देशभर साँढे ५४ हजारबढीले जिते कोरोना, कुन प्रदेशमा कतिले जिते ?

काठमाडौं । पछिल्लो २४ घण्टामा ७ सय ४२ जना कोरोना संक्रमणमुक्त भएका छन् । स्वास्थ्य तथा जनसंख्या मन्त्रालयका प्रवक्ताअनुसार कोरोना संक्रमणमुक्त भई घर फर्केनको संख्या ५४ हजार ६ सय ४० पुगेको छ ।

स्वास्थ्य प्रवक्ता गौतमका अनुसार डिष्चार्ज हुनेमा प्रदेश १ मा ५ हजार २६, प्रदेश २ मा १३ हजार १ सय ७६, बागमती प्रदेशमा १५ हजार २ सय १५, गण्डकी प्रदेशमा ३ हजार २ सय ८५, प्रदेश ५ मा ८ हजार ४ सय ६७, कर्णाली प्रदेशमा २ हजार ८ सय ५५ र सुदुरपश्चिम प्रदेशमा ६ हजार ६ सय १६ जना रहेका छन् ।

आजसम्म डिस्चार्ज हुनेको यो संख्या ७३.१ प्रतिशत हो ।

संस्थागत आइसोलेसनमा ८ हजार ६ सय ९५ जना रहेका छन् । हाल कोरोना संक्रमित होम आइसोलेसनमा १० हजार ९ सय २९ जना रहेको मन्त्रालयले जनाएको छ । त्यस्तै ६ हजार ३ सय १० जना क्वारेन्टाइनमा रहेका छन् ।