पदमपोखरीमा ल्होछार बिशेष साँस्कृतिक कार्यक्रम हुने
हेटौडा न्युज
मकवानपुर । सोनाम ल्होछारको अवसरमा मकवानपुरको पदमपोखरीमा ल्होछार बिशेष साँस्कृतिक कार्यक्रम हुने भएको छ । तामाङ समुदायको २८५७ औ लाङ ल्हो (गाई बर्ग) सोनाम ल्होछारको अवसरमा पदमपोखरीमा फागुन ३ गते साँस्कृतिक कार्यक्रम आयोजना गर्ने भएको हो ।
साँस्कृतिक कार्यक्रम मुल समारोह समितीको आयोजनामा हेटौँडा–१३, ठुलोथली, गुम्बाडाँडामा हुने साँस्कृतिक कार्यक्रमकोहुने आयोजकले जनाएको छ ।
साँस्कृतिक कार्यक्रममा भेषभुषा, संस्कृति, तामाङ संस्कृति र स्थानिय कलाकारहरुको बिशेष प्रस्तुती रहने कार्यक्रमको संयोजक आइमान मोक्तानले बताए ।
कार्यक्रममा स्थानिय र राष्ट्रिय कलाकारहरुको प्रस्तुति रहने उनले बताए ।
कलाकारहरुमा विश्व दोङ, टिका भोम्जन, सुनिता रुम्बा, सुशिल थिङ र कोरियोग्राफर मेगना मगर लगायतको प्रस्तुति रहने मोक्तानले बताए ।
तामाङ संस्कृतिलाई जोगाउन प्रत्येक वर्ष कार्यक्रमको आयोजना गरिएको लामाले बताए ।
कार्यक्रममा प्रमुख अतिथिको रुपमा कांग्रेसका बागमती प्रदेश संसदीय दलका नेता तथा मकवानपुर सभापति ईन्द्रबहादुर बानियाँले रहने भएका छन् ।
कार्यक्रम दिउँसो २ बजे सुरु भएर बेलुका १० बजेसम्म रहने कार्यक्रम संयोजक मोक्तानले बताए । उनले प्रहरी र कार्यक्रम मुल समारोह समिती मिलेर सुरक्षा ब्यवस्था राम्रो बनाउने बताए ।
