हेटौंडामा लागूऔषध सहित १ जना पक्राऊ

हेटौडा न्युज
३१ चैत्र २०७७, मंगलवार १८:०८
;

मकवानपुर । जिल्ला प्रहरी कार्यालय मकवानपुरको टोलीले लागूऔषध सहित १ जनालाई पक्राऊ गरेको छ । मकवानपुर प्रहरीले हिजो चैत्र ३० गते दिउँसो करीब ४ बजे हेटौंडा–९ स्थित पूर्वपश्चिम सडक खण्डबाट सोही स्थानका बर्ष २५ का सोभित तामाङलाई पक्राऊ गरेको जनाएको छ ।

प्रहरीले चेकजाँचको क्रममा उनको साथबाट लागूऔषधका रुपमा समेत प्रयोग हुने डाईजेपाम १६ एम्पुल, फेनार्गन १६ एम्पुल, नुर्फिन १६ एम्पुल फेला पारेको जनाएको छ ।

पक्राऊ परेका तामाङलाई लागूऔषध नियन्त्रण ऐन २०३३ बमोजिम कार्वाही अघि बढाईएको मकवानपुर प्रहरी प्रवक्ता जयश्वर रिमालले जनाएका छन् ।

 

यसमा तपाइको मत

Your email address will not be published. Required fields are marked *


*