मुख्यमन्त्री पौडेलले गरे २ वटा पुलको उद्घाटन
हेटौडा न्युज२२ असार २०७८, मंगलवार १७:३७
मकवानपुर । बागमती प्रदेशका मुख्यमन्त्री डोरमणि पौडेलले बकैया गाउँपालिकामा २ वटा पुलको मंगलबार उद्घाटन गरेका छन् ।
बकैया गाउँपालिकामा निमार्ण भएको एउटा पक्की पुल र एउटा झोलुङ्गे पुलको उनले उद्घाटन गरेका हुन् ।
मूख्यमन्त्री पौडेलले प्रदेश सरकारको समपुरक अनुदानमा गाउँपालिकाबाट निर्माण भएको ठाडीखोला पक्की पुल र बसन हात्तीसुढे झोलुङ्गे पुल उद्घाटन गरेका छन् ।
पुल उद्घाटन कार्यक्रममा गाउँपालिकाका अध्यक्ष दामोदर खनाल, उपाध्यक्ष सरला बोलखे लगायतकाको सहभागिता रहेको थियो ।
