शनिबार मकवानपुरमा ५३ जनामा कोरोना पुष्टि

मकवानपुर । शनिबार मकवानपुरमा ५३ जनामा कोरोना भाईरस सङ्क्रमण पुष्टि भएको छ ।

पछिल्लो २४ घण्टामा ९५ जनाको पिसिआर र ७७ जनाको एन्टिजेन गरी जम्मा १ सय ७२ जनाको परिक्षण गर्दा ५३ जनामा कोरोना सङ्क्रमण पुष्टि भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १२ हजार ५८ जनामा कोरोना पुष्टि भएकोमा ११ हजार २ सय ७६ जना सङ्क्रमण मुक्त भएका छन् । अहिले मवानपुरमा ६ सय ४८ जना सक्रिय सङ्क्रमित रहेका छन् ।

कारोनाकै कारण मकवानपुरमा हाल सम्म एक सय ३४ जनाको मृत्यु भएको छ ।