सोमबार मकवानपुरमा ४९ जनामा कोरोना पुष्टि

मकवानपुर । सोमबार मकवानपुरमा ४९ जनामा कोरोना भाइरस सङ्क्रमण पुष्टि भएको छ ।

पछिल्लो २४ घण्टामा १ सय २७ जनाको पिसआर र १ सय २३ जनाको एन्टिजेन गरी जम्मा २ सय ५० जनाको परिक्षण गर्दा ४९ जनामा कोरोना सङ्क्रमण पुष्टि भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १४ हजार ३ सय १७ जनामा कोरोना पुष्टि भएकोमा १३ हजार ६ सय ८७ जना सङ्क्रमण मुक्त भएका छन् ।

अहिले मवानपुरमा ४ सय ७५ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ५५ जनाको मृत्यु भएको छ ।