बुधबार मकवानपुरमा ५५ जनामा कोरोना पुष्टि

मकवानपुर । बुधबार मकवानपुरमा ५५ जनामा कोरोना भाइरस सङ्क्रमण पुष्टि भएको छ ।

पछिल्लो २४ घण्टामा १ सय १० जनाको पिसिआर र ३२ जनाको एन्टिजेन गरी जम्मा १ सय ४२ जनाको परिक्षण गर्दा ५५ जनामा कोरोना सङ्क्रमण पुष्टि भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १४ हजार ४ सय १ जनामा कोरोना पुष्टि भएकोमा १३ हजार ८ सय ८० जना सङ्क्रमण मुक्त भएका छन् ।

अहिले मकवानपुरमा ३ सय ६५ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ५६ जनाको मृत्यु भएको छ ।