बिहीबार मकवानपुरमा मास्क नलगाउने ३२ जनालाई कार्वाही

मकवानपुर । जिल्ला प्रहरी कार्यालय मकवानपुरले बिहीबार मास्क नलगाउने ३२ जनालाई कार्वाही गरेको छ ।

बिहीबार जिल्ला प्रहरी कार्यालय मकवानपुरबाट खटिएको प्रहरी उपरीक्षक समेतको चेकिङ टोलीले मास्क नलगाउने ३२ जनालाई जनही एक सय रुपैँयाका दरले जरिवाना गराएको छ ।

यस्तै प्रहरीले विभिन्न स्थानमा ३ सय ६६ थान मास्क वितरण गरेको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक जयश्वर रिमालले जानकारी दिए ।