मंगलबार हेटौंडामा ५६ जनाको स्वाब सङ्कलन

मकवानपुर । हेटौंडा –१० गोरक्षेश्वर स्वाब सङ्कलन केन्द्रबाट मंगलबार ५६ जनाको स्वाब सङ्कलन गरिएको छ ।

हेटौंडा उपमहानगरपालिका जनस्वास्थ्य निरीक्षक भोला प्रसाद चौलागाईका अनुसार मैगलबनर बिहान २९ जना महिला र २७ जना पुरुष गरी जम्मा ५६ जनाको नमुना स्वाब सङ्कलन गराएको हो ।

सङ्कलन गरिएको स्वाब परीक्षणका लागि हेटौंडा अस्पतालमा रहेको पिसिआर प्रयोगशालामा पठाइएको निरीक्षक चौलागाईले जानकारी दिए ।