मंगलवार मकवानपुरमा १४ जनाले जिते कोरोना

मकवानपुर । मंगलवार मकवानपुरमा १४ जना कोरोना भाइरस सङ्क्रमणमुक्त भएका छन् ।

पछिल्लो २४ घण्टामा ६ जनामा कोरोना पुष्टि भएकोमा १४ जना कोरोना सङ्क्रमण मुक्त भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १४ हजार ९ सय ५५ जनामा कोरोना पुष्टि भएकोमा १४ हजार ४ सय २९ जना सङ्क्रमण मुक्त भएका छन् ।

अहिले मकवानपुरमा ३ सय ६३ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ६३ जनाको मृत्यु भएको छ ।