बिहीवार मकवानपुरमा २१ जनामा कोरोना पुष्टि

मकवानपुर । बिहीवार मकवानपुरमा २१ जनामा कोरोना भाइरस सङ्क्रमण पुष्टि भएको छ ।

पछिल्लो २४ घण्टामा ८३ जनाको पीसीआर र २ जनाको एन्टिजेन गरी जम्मा ८५ जनाको कोरोना परिक्षण गर्दा २१ जनामा कोरोना सङ्क्रमण पुष्टि भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १५ हजार ७१ जनामा कोरोना पुष्टि भएकोमा १४ हजार ६ सय ६० जना सङ्क्रमण मुक्त भएका छन् ।

अहिले मकवानपुरमा २ सय ४७ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ६४ जनाको मृत्यु भएको छ ।