एम्बुलेन्स दुर्घटना हुँदा एकजनाको मृत्यु

हेटौडा न्युज
२१ कार्तिक २०७८, आईतवार १३:०८
;

मकवानपुर । एम्बुलेन्स दुर्घटना हुँदा ताप्लेजुङमा एकजनाको मृत्यु भएको छ ।

मृत्यु हुनेमा मैवाखोला गाउँपालिकाकी करिब १६ वर्षीया हेमकला लिम्बु रहेको जिल्ला प्रहरी कार्यालय ताप्लेजुङले जनाएको छ । यस्तै दुर्घटनामा परि अन्य ६ जना घाइते भएका छन् ।

मैवाखोला गाउँपालिकास्थित साँघुबाट बिरामी लिएर धरान जाँदै गरेको प्रदेश १–०१–००१ झ ०२२४ नम्बरको एम्बुलेन्स शनिबार राति करिब ११ बजेतिर मिल्केडाँडामा दुर्घटनामा परेको प्रहरीले जनाएको छ । दुर्घटनामा परी घाइते भएकी लिम्बुलाई उपचारका लागि अस्पताल लैजाने क्रममा मृत्यु भएको प्रहरीले जनाएको छ ।

दुर्घटनामा परी घाइते भएका अन्य ६ जनाको स्वास्थ्य अवस्था सामान्य रहेको प्रहरीले जनाएको छ । घटनाको प्ररम्भिक विवरण अनुसार उकालो सडकमा पिकअप लिन नसक्दा ब्याक आउने क्रममा एम्बुलेन्स सडकबाट तल खसेको प्रहरीको अनुमान छ ।

यसमा तपाइको मत

Your email address will not be published.


*