नेकपा (एस)ले बोलायो केन्द्रीय कमिटी बैठक

मकवानपुर । नेकपा (एकीकृत समाजवादी) ले केन्द्रीय कमिटी बैठक बोलाएको छ ।

ललितपुरको सानेपास्थित हेरिटेज गार्डेनमा कात्तिक २७ र २८ गतेलाई बैठक तय गरिएको हो । २७ गते बिहान ११ बजे अध्यक्ष माधवकुमार नेपालले बैठक उद्घाटन गर्ने छन् ।

नेकपा एसका उपमहासचिव एवं प्रचार विभाग प्रमुख जगन्नाथ खतिवडाका अनुसार संगठन विस्तार, सरकारको कामको समीक्षा, प्रदेश सरकारमा पार्टीको सहभागिता र भूमिका, न्यायालयमा देखिएको समस्यालगायतका विषय बैठकका मूख्य एजेण्डा हुनेछन् ।

यसअघि सचिवालयलगायतले गरेका निर्णयको पनि केन्द्रीय कमिटीमा अनुमोदन हुने बताइएको छ ।