मंगलवार मकवानपुरमा १ जनामा कोरोना पुष्टि

मकवानपुर । मंगलवार मकवानपुरमा १ जनामा कोरोना भाइरस सङ्क्रमण पुष्टि भएको छ ।

पछिल्लो २४ घण्टामा २७ जनाको पीसीआर र २ जनाको एन्टिजेन गरी जम्मा २९ जनाको कोरोना परिक्षण गर्दा १ जनामा कोरोना सङ्क्रमण पुष्टि भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १५ हजार ४ सय १३ जनामा कोरोना पुष्टि भएकोमा १५ हजार १ सय ५४ जना सङ्क्रमण मुक्त भएका छन् ।

अहिले मकवानपुरमा ९४ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ६५ जनाको मृत्यु भएको छ ।