मंगलवार मकवानपुरमा ३ जनामा कोरोना पुष्टि

मकवानपुर । मंगलवार मकवानपुरमा ३ जनामा कोरोना भाइरस सङ्क्रमण पुष्टि भएको छ ।

पछिल्लो २४ घण्टामा १६ जनाको पीसीआर र २० जनाको एन्टिजेन गरी जम्मा ३६ जनाको कोरोना परिक्षण गर्दा ३ जनामा कोरोना सङ्क्रमण पुष्टि भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १५ हजार ४ सय २९ जनामा कोरोना पुष्टि भएकोमा १५ हजार १ सय ७७ जना सङ्क्रमण मुक्त भएका छन् ।अहिले मकवानपुरमा ८७ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ६५ जनाको मृत्यु भएको छ ।