प्रभुसाह लक्षित प्रचण्डको टिप्पणी कुहिएको आलु फालियो

फाईल तस्वीर

मकवानपुर । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले बोरामा कुहिएका आलु फालिएकाले अरु सबै आलु जोगिएको टिप्पणी गरेका छन् ।

शनिबार रौतहटको कटहरियामा अयोजित आमसभालाई सम्बोधन गर्दै प्रचण्डले एमाले नेता प्रभु साह लक्षित गर्दै यस्तो टिप्पणी गरेका हुन् । सम्बोधनका क्रममा प्रचण्डले एकाध कुहिएको आलु फालेपछि अरु सबै आलु बचेको टिप्पणी गरे । माओवादीमा रहँदा यही क्षेत्रबाट निर्वाचित भएका साह हाल एमालेमा प्रवेश गरेका छन् । प्रचण्डले उनलाई भागौडाको संज्ञा दिए ।

अहिलेको संविधान मधेशी जनताका लागि अझैं पूर्ण नभएको बताउँदै प्रचण्डले आफूले दुई पटक संशोधनको प्रयास गरे पनि त्यो असफल पारिएको दावी गरे।