बुधवार मकवानपुरमा २ जनाले जिते कोरोना

मकवानपुर । बुधवार मकवानपुरमा २ जना कोरोना भाइरस सङ्क्रमणमुक्त भएका छन् ।

पछिल्लो २४ घण्टामा ५ जनामा कोरोना पुष्टि भएकोमा २ जना कोरोना सङ्क्रमण मुक्त भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १५ हजार ४ सय ६० जनामा कोरोना पुष्टि भएकोमा १५ हजार १ सय ८८ जना सङ्क्रमण मुक्त भएका छन् ।

अहिले मकवानपुरमा १ सय ७ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ६५ जनाको मृत्यु भएको छ ।