सोमवार मकवानपुरमा ८ जनामा कोरोना पुष्टि

मकवानपुर । सोमवार मकवानपुरमा ८ जनामा कोरोना भाइरस सङ्क्रमण पुष्टि भएको छ ।

पछिल्लो २४ घण्टामा २८ जनाको पीसीआर र १० जनाको एन्टिजेन गरी जम्मा ३८ जनाको कोरोना परिक्षण गर्दा ४ जनामा कोरोना सङ्क्रमण पुष्टि भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १५ हजार ५ सय ५ जनामा कोरोना पुष्टि भएकोमा १५ हजार २ सय २२ जना सङ्क्रमण मुक्त भएका छन् ।

अहिले मकवानपुरमा १ सय १७ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ६६ जनाको मृत्यु भएको छ ।