नेकपा माओवादी केन्द्र मकवानपुरका जिल्ला सचिव सहित १२ जना नेकपा एमालेमा प्रवेश
हेटौडा न्युज
मकवानपुर । नेकपा माओवादी केन्द्र मकवानपुरका जिल्ला सचिव बलराम बल र प्रतिनिधि सभा २ को प्रदेश सभा (ख) संयोजक नरेन्द्र रिजाल सहित १२ जना नेकपा एमालेमा प्रवेश गरेका छन् ।
आज नेकपा एमालेका केन्द्रीय अध्यक्ष केपीशर्मा ओलीसँगको भेटमा उनिहरुलाई अध्यक्ष ओलीले खादा ओढाएर एमालेमा स्वागत गरेका हुन् । मकवानपुरको कम्युनिष्ट आन्दोलनका प्रभावशाली नेताको रुपमा रहेका बल जनमोर्चा र माओवादीको एकिकरणसँगै माओवादीमा रहेका थिए । माओवादी केन्द्रको तर्फबाट स्थानीय तहको निर्वाचनमा हेटौँडा उपमहानगरपालिकाको उपमेयरको उम्मेद्वार समेत रहेका वललाई मकवानपुरे कम्युनिष्ट आन्दोलनको प्रखर वक्ताको रुपमा समेत चिनिदै आएको छ ।
बल सहित राधाकृष्ण रिजाल,बसुन्धारा सुरेन्द्र रिजाल, राज वाइवा, नविन रिजाल, केसर भुजेल, रञ्जन सापकोटा, राधा भुजेल र समिर विष्ट नेकपा एमालेमा प्रवेश गरेका हुन् ।
उनिहरुले देश र जनताका लागि काम गर्ने केपि ओलि जस्तो नेता अर्को सय वर्ष नपाइने भन्दै ओली नेतृत्वको पार्टीमा समाहित हुन पाउँदा एकदमै खुशी लागेको बताएका छन् ।
यो पनि पढ्नुहोस्
