३५ किलो ४ सय ग्राम लागूऔषध गाँजा, बोलेरो गाडी सहित २ जना पक्राउ

मकवानपुर । प्रहरीले ३५ किलो ४ सय ग्राम लागूऔषध गाँजा, बोलेरो गाडी सहित २ जनालाई पक्राउ गरेको छ ।

शनिवार वेलुका मनहरी गाउँपालिका वडा नम्बर–९ स्थित पूर्ब पश्चिम लोकमार्ग सडकखण्डमा मनहरी तर्फबाट हेटौडा तर्फ आउदै गरेको ना. ५ च २३६१ नम्बरको बोलेरो पिकअप गाडीलाई चेकजाँच गर्दा बोलेरोको माथिल्लो भागमा त्रिपालले छोपी लुकाई छिपाई ल्याएको ३५ किलो ४ सय ग्राम लागूऔषध गाँजा फेला परेको मकवानपुर प्रहरीले जनाएको छ ।

उक्त बोलेरोको चालक सर्लाही जिल्ला लालबन्दी नगरपालिका वडा नम्बर–५ बस्ने २२ वर्षीय किरण घिमिरे , सोही गाडीमा सवार सिन्धुली जिल्ला हरिहरपुरगढी गाउँपालिका वडा नम्बर–७ घर भएका अन्दाजी २५ वर्षीय आकाश तामाङ थिङलाई उक्त लागुऔषध गाँजा र बोलेरो सहित नियन्त्रणमा लिई आवश्यक अनुसन्धान भईरहेको प्रहरीले जनाएको छ ।