एमालेको केन्द्रीय कमिटीका ४४ जना मनोनित सदस्यहरुले लिए शपथ

मकवानपुर । नेकपा एमालेको केन्द्रीय कमिटीका ४४ जना मनोनित सदस्यहरुले आज शपथ ग्रहण गरेका छन् ।

एमाले अध्यक्ष केपी शर्मा ओलीले मनोनित केन्द्रीय सदस्यहरुलाई केहीबेरअघि तुलसीलाल प्रतिष्ठान च्यासलमा शपथ ग्रहण गराएका हुन् । एमालेले खुला २०, महिला १५ र पार्टी एकताको प्रक्रियाबाट आएका नौ जना गरी जम्मा ४४ जनालाई केन्द्रीय सदस्यमा मनोनित गरेको थियो ।

एमालेको विधानमा भएको व्यवस्था अनुसार केन्द्रीय कमिटीको कूल सङ्ख्या ३ सय १ अन्तर्गत १० प्रतिशत सदस्य मनोनित गरिएको हो ।