शुक्रवार मकवानपुरमा ३ जनामा कोरोना पुष्टि

मकवानपुर । शुक्रवार मकवानपुरमा ३ जनामा कोरोना भाइरस सङ्क्रमण पुष्टि भएको छ ।

पछिल्लो २४ घण्टामा १२ जनाको पीसीआर र २३ जनाको एन्टिजेन गरी जम्मा ३५ जनाको कोरोना परिक्षण गर्दा ३ जनामा कोरोना सङ्क्रमण पुष्टि भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १५ हजार ५ सय ३२ जनामा कोरोना पुष्टि भएकोमा १५ हजार २ सय ६१ जना सङ्क्रमण मुक्त भएका छन् ।

अहिले मकवानपुरमा एक सय ४ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ६७ जनाको मृत्यु भएको छ ।