मकवानपुर ग्याँस व्यवसायी संघको साधारणसभा सम्पन्न
हेटौडा न्युज
मकवानपुर । मकवानपुर ग्याँस व्यवसायी संघको नवौं वार्षिक साधारणसभा शनिवार सम्पन्न भएको छ ।
संघका अध्यक्ष दिलिस गोबिन्द जोशीको सभाध्यक्षमा भएको कार्यक्रममा नेपाल ग्याँस बिक्रेता महासंघका केन्द्रिय अध्यक्ष ज्ञानेश्वर अर्यालको प्रमुख आतिथ्यता रहेको थियो ।
कार्यक्रममा मकवानपुर होटल एसोसिएसनका अध्यक्ष शंकरलाल श्रेष्ठ, मदिरा व्यवसायी संघ मकवानपुरका अध्यक्ष समेन्द्र पौडेल, मकवानपुर अधिकृत बिक्रेता व्यवसायी संघका अध्यक्ष विष्णु दाहाल, कपडा तथा तयारी पोशाक व्यवसायी संघका अध्यक्ष तेज अधिकारी, नेपाल ग्याँस बिक्रेता महासंघ बागमती प्रदेश समितिकी अध्यक्ष राधिका महर्जन वरिष्ठ उपाध्यक्ष विनोदमान श्रेष्ठलगायतको आतिथ्यता तथा ग्याँस व्यवसायीहरुकोे उपस्थिति रहेको थियो ।
साधारणसभामा सचिव केशव मुडभरी र कोषाध्यक्ष कृष्ण ढुंगानाले वार्षिक प्रतिवेदन पेश गरेका थिए । २०५१ सालदेखि ग्याँस व्यवसायीमा निरन्तरता दिई रहेका संघका पुराना सदस्य तथा सल्लाहकार पिताम्बर ढकाल दम्पतीलाई सम्मान गरिएको थियो ।
यो पनि पढ्नुहोस्
