अनावरण नहुदैँ सालिक चोरी

मकवानपुर । स्वर्गीय लेखक गणेशलाल श्रेष्ठको सालिक चोरी भएको छ ।

भीमफेदी गाउँपालिका वडा नम्वर–६ स्थित ज्योति पुस्तकालय परिसरमा अनावरणका लागि स्थापना गरिएको अर्धकदको सालिक शनिवार राति चोरी भएको हो । गाउँपालिकाको लगानीमा फोहोरा पार्क र ज्योति पुस्तकालय परिसरमा करिब १ महिना अघि नै सालिक स्थापना गरिएको थियो ।

पूर्व परराष्टविद् हिरन्यलाल श्रेष्ठले सो सालिक एक कार्यक्रमकाबीच आज अनावरण गर्ने कार्यक्रम तय भएको थियो । तर, अनावरण कार्यक्रमको एक दिन अघि शालिक चोरी भएको हो । सालिकको लागि ३ लाख ५० हजार र अन्य व्यवस्थापन गरी कूल ५ लाख खर्च भएको सालिक अनावरण कार्यक्रम तयारी समितिका संयोजक विष्णुगोपाल महर्जनले जानकारी दिए । श्रेष्ठ दुई थुङ्गा फूल नामक पुस्तकका लेखक हुन् ।