६९ किलो ५ सयग्राम लागूऔषध गाँजा, अटोसहित ३ जना पक्राउ

मकवानपुर । प्रहरीले ६९ किलो ५सयग्राम लागुऔषध गाँजा, अटो सहित ३ जनालाई पक्राउ गरेको छ ।

पक्राउ पर्नेमा कैलाश गाउँपालिका वडा नम्बर–५ कटहरे घरभई हाल हेटौडा उपमहानगरपमलिका वडा नम्बर–७ कमाने बस्ने ३४ वर्षीय सिताराम मोक्तान, कैलाश गाउँपालिका वडा नम्बर–१ बस्ने ३३ वर्षीय अमर बहादुर गिरि र २६ वर्षीय ईन्द्र बहादुर मोक्तान रहेका छन् ।

सोमबार बिहान विशेष सूचनाको आधारमा जिल्ला प्रहरी कार्यालय मकवानपुरबाट खटिएको प्रहरी टोलीले हेटौंडा उपमहानगरपालिका वडा नम्बर–१ पालुङ बसपार्कमा ना १ ह ७६३८ नम्बरको अटोलाई चेकजाँज गर्दा तरकारीको बोरा भित्र लुकाई छिपाई ल्याएको ६९ किलो ५ सयग्राम लागूऔषध गाँजा फेला परेको प्रहरीले जनाएको छ । उनीहरुलाई उक्त लागूऔषध गाँजा, अटोसहित नियन्त्रणमा लिई थप अनुसन्धान भईरहेका जिल्ला प्रहरी कार्यालय मकवानपुरले जनाएको छ ।