मंगलवार मकवानपुरमा सङ्क्रमित र निकोहुने बराबरी, ३ जनाले जिते कोरोना

मकवानपुर । मंगलवार मकवानपुरमा ३ जना कोरोना भाइरस सङ्क्रमणमुक्त भएका छन् ।

पछिल्लो २४ घण्टामा ३ जनामा कोरोना पुष्टि भएकोमा ३ जना कोरोना सङ्क्रमण मुक्त भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १५ हजार ५ सय ६७ जनामा कोरोना पुष्टि भएकोमा १५ हजार २ सय ९२ जना सङ्क्रमण मुक्त भएका छन् ।

अहिले मकवानपुरमा एक सय ८ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ६७ जनाको मृत्यु भएको छ ।