गुडिरहेको ट्याक्टरबाट लडेर चालकको मृत्यु

साङ्केतिक तस्वीर

मकवानपुर । गुडिरहेको ट्याक्टरबाट लडेर सर्लाहीमा गोडैता नगरपालिका–४ रोहवामा ट्याक्टर चालकको मृत्यु भएको छ ।

आइतबार राति ना ७ त ५६८ नम्बरको ट्याक्टरबाट लडेर रौतहटको वृन्दावन नपा ७ धमौरा घर भई, हाल गोडैता नपा बस्ने १८ वर्षे आशिर मन्सुरको मृत्यु भएको हो । ट्याक्टर चलाइरहेको बेला उनी अचानक खसेका थिए । ट्याक्टरबाट खसेर गम्भीर घाइते भएका उनको उपचारका लागि अस्पताल लैजाँदै गर्दा बाटोमै मृत्यु भएको प्रहरीले जनाएको छ ।