देशभर पछिल्लो २४ घण्टामा १० हजार ३ सय १९ जनामा कोरोना पुष्टि
मकवानपुर । देशभर पछिल्लो २४ घण्टामा १० हजार ३ सय १९ जनामा कोरोना भाइरस सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार देशभर २१ हजार २ सय १ नमुना परीक्षण गरिएको थियो । जसमध्ये १६ हजार ६ सय ५४ नमुनाको पीसीआर टेष्ट गर्दा ८ हजार ५४ र ४ हजार ५ सय ४७ नमुनाको एन्टीजेन टेष्ट गर्दा २ हजार २ सय ६५ जनामा सङ्क्रमण पुष्टि भएको हो ।
पछिल्लो २४ घण्टामा २ हजार ५ सय ४० जना सङ्क्रमणमुक्त भएका छन् । भने ४ जनाको मृत्यु भएको छ ।