हेटौंडा उपमहानगरपालिकाका लागि एक अर्ब ६ करोड ९५ लाख रुपैयाँ अनुदान

हेटौडा न्युज
२० जेष्ठ २०७९, शुक्रबार ०८:०५
;

मकवानपुर । हेटौंडा उपमहानगरपालिकाका लागि संघीय सरकारले आगामी आर्थिक वर्ष २०७९–०८० का लागि कुल एक अर्ब ६ करोड ९५ लाख रुपैयाँ अनुदान रकम उपलब्ध गराउने भएको छ ।

संघीय सरकारको बजेट मार्फत उपमहानगरपालिकाका लागी उक्त रकम छुट्याएको हो । संघीय सरकारले छुट्याएको रकम मध्यमा पहिलो चौमासिकमा २६ करोड ७३ लाख ९३ हजार रुपैयाँ उपलब्ध हुने उपमहानगरपालिकाका लेखा साखाका महेन्द्र चापागाईले जानकारी दिए ।

संघीय सरकारले समानिकरण अनुदानमा उपमहानगरपालिकालाई ३५ करोड ७६ लाख रुपैयाँ उपलब्ध गराउने चापागाईले जानकारी दिए । त्यसैगरी ससर्त अनुदानमा ६८ करोड ४७ लाख रुपैयाँ उपलब्ध गराउने छ । सशर्त अनुदान चालु तर्फ भने २ करोड ७३ लाख रुपैयाँ उपलब्ध गराउने भएको उपमहानगरपालिकाले जानकरी दिएको छ ।

यसमा तपाइको मत

Your email address will not be published. Required fields are marked *


*