काभ्रेमा एक कोरोना संक्रमितको मृत्यु

काठमाडौं । काभ्रेमा एक कोरोना संक्रमितको मृत्यु भएको छ । धुलिखेल अस्पतालमा उपचाररत धुलिखेल नगरपालिका–७ घर भएका ९८ वर्षीय वृद्धको मृत्यु भएको हो ।

पिसाब बन्द हुने समस्या देखिएपछि धुलिखेल अस्पतालमा भर्ना भएका उनमा साउन २७ गते कोरोना संक्रमण पुष्टि भएको थियो ।

काठमाडौंको नयाँबानेश्वरमा बस्दै आएका उनको उपचारको क्रममा गएराती मृत्यु भएको अस्पतालले जनाएको छ ।

यससँगै धुलिखेल अस्पतालमा कोरोनाका कारण मृत्यु हुनेको संख्या २ पुगेको छ ।