बाटोको विवादमा कुटपिट हुँदा एक महिलाको मृत्यु
हेटौडा न्युज३ भाद्र २०७७, बुधबार १५:५७
जनकपुरधाम । बाटोको विषयमा भएको विवादले कुटपिटको रुप लिँदा एक महिलाको मृत्यु भएको छ । मृत्यु हुनेमा अर्नमा गाउँपालिका–५ कृष्णपुर बस्ने ५० बर्षीया सीतादेवी राउत रहेकी छिन् ।
कुटपिटबाट घाइते भएकी उनको सिराहा जिल्ला अस्पतालमा उपचारको क्रममा मृत्यु भएको प्रहरीले जनाएको छ ।
कुटपिटमा संलग्न रहेको आरोपमा दुई महिलासहित चार जनालाई प्रहरीले पक्राउ गरेको छ ।
घटनाबारे थप अनुसन्धान भइरहेको प्रहरीले जनाएको छ ।
