हेटौँडा बजारको एक फन्को

हेटौडा न्युज
५ आश्विन २०७७, सोमबार १८:३६

मकवानपुर । साँझको ४ बज्नै लागेको थियो । कार्यालको काम सकेर केहि साथिहरुसंगको भेट पछि हेटौंडा बजारको एक चक्कर लगाउने विचार गरियो।

सोहि विचार अनुसार हेटौँडाको वडा नम्बर १ तिरको यात्रामा निस्किए । यात्रा १ नम्बर वडाकै चलिरहेको थियो । मनका अनेक कुरा खेल्दै थिए । मनका कुरा दिमाग र दिमागका कुरा मनमा चलिरहेका थिए ।

यात्रा चल्दै गर्दा यस्तो ठाउँमा पुगिए छ, सोच्दा पनि कहालि लाग्यो । त्यस्तो विकट पनि उपमहानगरपालिक भित्र छ ? हेटौंडा–१ निवासी दयानिय अवस्थाका ती पाण्डु वि.क.को घर अहिले सम्झदा पनि मन भारी हुन्छ ।

गोठको बाँस खानालाई जोहो केहि थिएन । समस्यै समस्यामा रहेछन् पाण्डु। मौसम उत्कृष्ट, चिसो सिरेटो चलिरहेको भएता पनि त्यो लाचार अवस्थाले मन कत्ति पनि शान्त थिएन ।

बिस्तारै सो ठाउँ छोडेर हेटौंडा बजार तिरको यात्रामा झरियो । त्यो कच्चि हिलो बाटो हुँदै यात्रा चलिनै रहेको थियो । भोकको महसुस भयो। खाजा खानाका लागि बाटैको रेष्टरेन्ट तर्फ लागें ।

कोरोनाको डर अनि त्यो खाली रेष्टुरेन्ट । बस्नका लागि सहज स्थान रोजेर खाजा अर्डर गरे । खाजाको प्रतिक्षकै क्रममा सो स्थलको कौतुहलता थपिएको महशुस हुँदै थियो ।

बन्दावन्दी अनि निषेधाज्ञा पछि केहि सहज भएसंगै खुलेको बजारमा अलिक भीड थियो । रेष्टुरेन्टको केही समयको बसाइ र भिडभाड बढ्दै गएपछि त्यहाँबाट निस्कियौ ।

अबको यात्रा थियो कमानेतर्फ रात पनि परि सकेको थियो । फाट्ट फुट्ट साधन चलेका थिए हामी गोर्दोई पुग्यौ र फर्किने निर्णय गर्यौ ।

गर्दोइबाट फरेष्ट्रि गेट हुँदै सिमाचोकतर्फको यात्रा थियो । फरेष्टि गेट नजिकै जे देखियो त्यो अकल्पनिय थियो । केही व्यक्ति सडकको किनारमा नाचि रहेका थिए । को हुन् ठम्याउन सकिएन ।

फरेष्टि गेटबाट केहि अगाडी आएर साधन रोके। केहि बेर हामी अढ्ढियौ । त्यँहा बसेक‍ो केही मिनेटभित्र एक युवक बाइकमा आए र केही गफ पश्चात नाचिरहेका व्यक्तिसँग मोटरसाइकलमा हुईकिए ।

म आश्चर्य परे । गतिविधि बुझ्दै जाँदा त्यहा उभिएका सबै जना फरक फरक युवकसँग पलाएन भए । एकाएक त्यस सडक किनारलाई रित्याउँदै ति सब व्यक्तिहरु ओझेल परे ।

ठाउँ खाली भयो । मलाई गतिविधिको सार वुझ्ने ईच्छा जाग्यो । म त्यही क्षेत्र नजिक व्यवसाय गर्दै आएका व्यवसायीहरुकोमा पुगे र सोधे । व्यवसायीहरु पनि यो दैनिक हुने घटना हो भन्दै पन्छिए।

म पुनः आश्चर्यमा परे । घटना के हो भन्ने प्रश्नमा म भौतारी रहदा एक युवकले परबाट आज छैन भनेर सोधे । हामी बोलेनौ ती व्यक्ति फर्किए । कौतुहलताले निकै असहज बनाउदै थियो । झन बुझ्ने मन लाग्यो एक जेष्ठ नागरिकलाई सोध्ने निधो गरे । उहाँले जे सुनाउनु भयो म चकित भए ।

उहाँले त्यो घटना शाररिक सम्बन्धको व्यपार भएको बताउनु भयो । म आश्चर्य हुँदै प्रतिउत्तर गरि हाले यो प्रशासनले नदेखेको कुरा हो कि भनेर तर उहाँले यो वर्षैबाट हुँदै आएको घटना बताउनु भयो ।

समाजको यी घटना किन भईरहेको कुराले मनमा चस्को पस्यो । के अब नेपालमा पनि बहिरी देश जस्तो केही निस्चित स्थल तोकी यौनजन्य गतिविधि चालाउने आवश्यक परेको हो त ?

यौनजन्य त्यस्ता कार्य गर्ने व्यक्तिको पहिचान र उचित व्यवस्थापन भए त्यस्ता गतिविधि घट्ने सक्ने अनुमान मेरो छ । वैधानिकता दिने कार्य गर्न नसकिएला तर यस्ता व्यक्तिलाई आय–आर्जनको स्रोततर्फ उन्मुख गराए यी गतिविधि घट्ने छ।

लेखकः विश्वास पराजुली

यसमा तपाइको मत

Your email address will not be published. Required fields are marked *


*