मकवानपुरमा २० किलो गाँजासहित एकजना पक्राउ

तस्वीर-जिप्रका, मकवानपुर ।

मकवानपुर । जिल्ला प्रहरी कार्यालय, मकवानपुरले आज मंगलबार २० केजी लागूऔषध गाँजासहित एकजनालाई पक्राऊ गरेको छ ।

असई शिवराज गुरुङको कमाण्डमा खटिएको प्रहरी टोलीले हेटौंडा वडा नं. ३ को लेवटबाट बीरगञ्ज तर्फ जानका लागि गाडी कुरीरहेको अवस्थामा पर्सा वीरगंज महानगरपालीका वडा नं. ३२ बस्ने बर्ष १९ का सञ्जय महतोलाई पक्राऊ गरेको जनाएको छ ।

पक्राऊ परेका उपर आवश्यक अनुसन्धान भईरहेको मकवानपुर प्रहरी प्रवक्ता इन्द्रबहादुर रानाले जनाएका छन् ।