सनसिटी अपार्टमेन्टका तीनमध्ये एकको कोरोना रिपोर्ट नेगेटिभ

कागेश्वरी मनोहरा नगरपालिका–९ स्थित सनसिटी अपार्टमेन्टमा बस्दै आएका एकै परिवारका तीनजनामध्ये एक जनाको रिपोर्ट नेगेटिभ आएको छ । 

वैशाख १ गते र्‍यापिड टेस्टबाट कोरोना भाइरस संक्रमण पोजेटिभ देखिएका तीनमध्ये दुई जनाको पीसीआर विधिबाट परीक्षण गर्दा नतिजा पोजेटिभ आए पनि एक जनाको परीक्षण भने नेगेटिभ आएको हो ।

८१ वर्षकी आमा र ५८ वर्षका छोरा रिपोर्ट पोजेटिभ देखिए पनि बुहारीमा भने नतिजा नेगेटिभ आएको स्वास्थ्य मन्त्रालयका प्रवक्ता डा. विकास देवकोटाले जानकारी दिएका छन् । उक्त परिवार चैत ५ गते बेलायतबाट फर्केको थियो।

उक्त परिवारका काम गर्ने सहयोगीहरुलाई पीसीआर विधिबाट परीक्षणका लागि नमूना टेकु ल्याइएको छ।