यौन दुर्व्यबाहार गरेको आरोपमा एसएसपीलाई पक्राउ गर्ने तयारी

यौन दुर्व्यबाहार गरेको आरोपमा नेपाल प्रहरीका वरिष्ठ उपरीक्षक ९एसएसपी० सौरभ राणालाई पक्राउ गर्ने तयारी गरिएको छ । संघीय प्रहरी इकाइ कार्यालय, धरानमा कार्यरत राणाविरुद्ध बिहीबार बेलुकी जबरजस्तीकरणीको कसूरमा किटानी जाहेरी परेपछि पक्राउ गर्ने तयारी थालिएको हो ।

अहिले पीडित महिलालाई स्वास्थ्य परीक्षणका लागि धरानस्थित विपी कोइराला स्वास्थ्य विज्ञान प्रतिष्ठानमा लगिएको छ ।

जिल्ला प्रहरी कार्यालय, सुनसरीका एक अधिकृतले भने, ‘जाहेरी दर्ता भइसकेको छ । अब अदालतबाट पक्राउ गर्न अनुमति माग्ने तयारी भइरहेको छ ।’

उजुरी परेलगत्तै गृह मन्त्रालयले पनि उनलाई निम्लबन गरिसकेको छ । हाल निलम्बित एसएसपी राणाले आरोपमा सत्यता नभएको दाबी गरेका छन् । उनले भने, ‘यो विषयलाई लिएर मलाई धेरै समयदेखि दुःख दिने काम भइरहेको छ ।’