प्रधानमन्त्री ओलीलाई भारतीय प्रधानमन्त्री मोदीको शुभकामना 

प्रधानमन्त्री केपी शर्मा ओलीलाई भारतीय प्रधानमन्त्री नरेन्द्र मोदीले सफल शल्यक्रियाको शुभकामना दिएका छन् । सोमबार मोदीले एक ट्वीट गरेर प्रधानमन्त्री ओलीलाई सफल शल्यक्रिया र शीघ्र स्वास्थ्य लाभको कामना व्यक्त गरेका हुन् ।

मोदीले टुवीट्मा लेखेका छन्  ‘मेरा प्रिय साथी केपी शर्मा ओलीजी, तपाईंको सफल शल्यक्रिया र शीघ्र स्वास्थ्य लाभको कामना गर्दछु, भगवान् पशुपतिनाथले सधैँ तपाईंको सुस्वास्थ्य, खुशी र दीर्घायूको आशिर्वाद दिऊन् ।’

नेपाल–भारतबीचको सम्बन्धलाई थप उचाइमा पुर्‍याउन आफु ओलीको योगदानको प्रतीक्षारत रहेको पनि टुवीट्मा उल्लेख छ ।

दोस्रो पटक मिर्गौला प्रत्यारोपणका लागि प्रधानमन्त्री ओली सोमबार अस्पताल भर्ना भएका छन् ।