प्रहरीलाई पेस्तोल ताक्ने प्रदर्शनकारी पक्राउ

हेटौडा न्युज
२० फाल्गुन २०७६, मंगलवार १९:३५
;

प्रहरीलाई पेस्तोल ताक्ने एक प्रदर्शनकारी पक्राउ परेका छन् ।दिल्ली हिंसाको क्रममा प्रहरीलाई गोली ताक्ने मोहम्मद शाहरुख नामका युवक उत्तर प्रदेशको शामली भन्ने स्थानबाट पक्राउ परेका हुन् ।

उनले नयाँदिल्लीको जाफरवादमा हेड कन्सटेबल दीपक दहियालाई पेस्तोल तोकेका थिए । त्यसपछि आठ राउन्ड फायर पनि गरेका थिए । लगत्तै, पक्राउ पर्ने डरले उनी आफ्नो परिवारका सदस्यसहित फरार भएका थिए । उनले पेस्तोल तोकेको तस्वीर र भिडियो सामाजिक सन्जालमा भाइरल भएको थियो ।
शाहरुख दिल्लीको थाना उस्मानपुरका बासिन्दा भएको खुलेको छ । उनको घरमा ताला लगाइएको छ । उनका परिवारका सदस्य र साथीहरु पनि फरार भएको जनाइएको छ । 

शाहरुखका बुवा साबिर लागुऔषध माफिया भएको र उनी एक पटक जेल पनि परेको जनाईएको छ । 

यसमा तपाइको मत

Your email address will not be published. Required fields are marked *


*