कोरोनाको संक्रमण भएको एक व्यक्ति टेकु अस्पतालबाट फरार

कोरोना भाईरसको संक्रमण भएको आशंका गरिएका एक व्यक्ति टेकु अस्पतालबाट फरार भएका छन् । सुनसरी घर भएका ती युवा दक्षिण कोरियामा कार्यरत थिए ।
तर, ती व्यक्तिलाई त्यहाँ कोरोनाको संक्रमण देखिएको भन्दै नेपाल फर्काइएको स्रोतले दाबी गरेको छ । नेपाल आएसँगै उनलाई विमानस्थलबाट सिधै बुधबार राति टेकु अस्पताल पुर्याइएको थियो । अस्पताल स्रोतका अनुसार अस्पतालमा उनको रगत परीक्षणका लागि तयारी हुँदै गर्दा उनी भागेका हुन् । अहिले प्रहरीले उनलाई खोजि गरिरहेको तथा अस्पतालमा यसबारे छलफल चलिरहेको पनि स्रोतले जनाएको छ ।