नेपालमा पाँचौ कोरोना संक्रमित फेला 

कोरोना भाइरसको पाँचौ संक्रमित फेला परेका छन् । बेल्जियमबाट कतार एयरलाइन्समा नेपाल आएकी  बागलुङकी  १९ वर्षीय युवतीमा कोरोना भाइरस पोजेटिभ भेटिएको हो ।

स्वास्थ्य तथा जनसंख्या मन्त्रालयका प्रवक्ता डा विकास देवकोटाका अनुसार राष्ट्रिय जनस्वास्थ्य प्रयोगशालामा शनिबार गरिएका परीक्षणमा ती युवतीमा कोरोना पोजेटिभ भएको पुष्टि भएको हो ।

उनी  चैत ४ गते (१७ मार्च) मा कतार एयरवेजको क्युआर ६५२ फ्लाइटबाट आएकी थिईन् । उनी अहिले चिकित्सकको सम्पर्कमा रहेको र उनको अवस्था अहिले सामान्य रहेको देवकोटाले जनाएको छ ।

उनी र यसअघि काठमाडौंमा संक्रमित भएकी अर्की १९ युवती एउटै जहाजमा कतारको दोहाबाट काठमाडौं आएको देखिएको छ ।