जापानको कोरोना संक्रमितको संख्या ह्वात्तै बढ्यो 

हेटौडा न्युज
१७ चैत्र २०७६, सोमबार २०:३६
;

युरोप र अमेरिका कोरोना भाईरसबाट प्रभावित भएको बेला पूर्वी एशियाली देश जापानमा एकै दिन फेरि धेरै मानिसमा भाइरसको सङ्क्रमण भेटिएको छ ।

त्यहाँ कोरोनाभाइरस परीक्षण सुविधा विस्तार नगरिएकोले भाइरस फैलिएको हुन सक्ने चिन्ता व्यक्त गरिएको थियो।

राजधानी टोक्योमा एकै दिनमा सर्वाधिक धेरै व्यक्तिमा कोरोनाभाइरस पाइएको छ । त्यहाँ ६८ जनामा सङ्क्रमण भएको पुष्टि भएको हो ।

जापानभरि कुल १७३ जानमा सङक्रमण देखिएको छ ।

छिमेकी दक्षिण कोरिया र चीनमा जस्तो जापानमा भाइरसबाट जोगिन धेरै सावधानीका उपायहरू अवलम्बन गरिएको छैन ।

घरमै बस्न गरिएको अनुरोधलाई धेरै टोक्योवासीहरूले बेवास्ता गरिरहेको पाइएको छ ।

एक प्रख्यात जापानी हास्य कलाकार केन शिमुराको पनि कोरोनाभाइरसका कारण ज्यान गएको खबर छ । उनी ७० वर्षका थिए।

यसैबीच जापानी सञ्चारमाध्यमले विदेशी नागरिकहरूलाई देश भित्रिन नदिने घोषणा सरकारले गर्न सक्ने बताएका छन्।

यसअघि नै चिनियाँ र दक्षिण कोरियाली नागरिकलाई जापान आउन निषेध गरिएको छ । अब युरोप र अमेरिकाबाट आउनेलाई पनि निषेध गर्ने सम्भावना छ ।

यसमा तपाइको मत

Your email address will not be published. Required fields are marked *


*