२५ जनाको ज्यान लिने चितुवा पासोमा पर्यो

एक दशक भित्र २५ जनाको ज्यान लिएको चितुवालाई नियन्त्रणमा लिईएको छ ।

गत चैत १ गते राष्ट्रिय प्रकुती संरक्षण कोषको सहयोगमा बैैतडीको मेलौली नगरपालिका वाडा नं. ९ मा थापिएको पासोमा चितुवा परेको थियो ।

गत बिहिबार राती काठको खोरमा बाख्राको पाठा राखिएको पाठीको शिकार गर्न जाँदा चितुवा खोरमा फसेको थियो ।

नियन्त्रणमा लिईएको चितुवालाई चितवन राष्ट्रिय निकुञ्जमा छाडिने डिभिजन वन कार्यालय बैतडीका प्रमुख केशव पराजुलीले बताएका छन् ।

नरभक्षी चितुवाले सो क्षेत्रमा २०६८ सालदेखी २५ जनाको ज्यान लिएको बताईएको छ ।

आज शनिबार निकुञ्जमा छोड्नका लागि बेहोस बनाएर लगिएको डिभिजन वन कार्यालय बैतडीले जनाएको छ ।