नेपालमा ८ हजार बढिकोे कोरोना परीक्षण, १२ जना संक्रमित

नेपालमा हालसम्म ८ हजार ५ सय ५ जनाको कोरोना परीक्षण गरिसकेको छ । उपत्यका र उपत्यका बाहिर गरी देशभर पीसीआर र र्यापिड किटबाट ८ हजार ५ सय ५ जनाको कोरोना परिक्षण गर्दा १२ जनामा कोरोना भाइरसको संक्रमण देखिएको छ ।

स्वास्थ्य तथा जनसंख्या मन्त्रालयका प्रवक्ता डा. विकास देवकोटाकाले हालसम्म देशभरमा पीसीआर र र्यापिड किटबाट ८ हजार ५ सय ५ जनाको नमुना परीक्षण गरिसकेको र परिक्षण गरिएका मध्ये १२ जनामा कोरोना पुष्टि भएको जनाएका छन् । 

हिजो थप ३ जनामा कोरोना संक्रमण देखिए पछि कोरोना संक्रमितको संख्या १२ पुगेको हो । एक सातापछि नेपालमा नयाँ कोरोना संक्रमित भेटिएका हुन् । 

पर्साको वीरगञ्ज महानगरपालिका–२ छपकैयमा रहेको मस्जिदमा शंकास्पद रूपमा बस्दै आएका २१ जनाको नमुना परीक्षण गर्दा तीन जनामा कोरोना पुष्टि भएको हो ।

कोरोना पुष्टि हुनेमा ३७, ४४ र ५५ वर्षीय पुरुष रहेका छन्। तिनै जना भारतीय नागरिक रहेको प्रवक्ता डा. देवकोटाकाले जनाएका छन् ।

तीनै जनाको वीरगञ्जस्थित नारायणी अस्पतालको आइसोलेसनमा उपचार भइरहेको छ । 

शुक्रबार हेटौंडामा परीक्षण गर्दा तीन जनामा कोरोना पोजिटिभ देखिएपछि पुनः परीक्षण गर्न राष्ट्रिय जनस्वास्थ्य प्रयोगशालामा पठाइएको थियो। आइतबार प्रयोगशालामा पुनः परीक्षण गर्दा उनीहरुमा पोजिटिभ देखिएको हो।