मृत्यु संस्कारमा सहभागी हुने बाहेक अन्य प्रयोजनको लागि पास नपाईने

सवारी पासको अत्यधिक मागले लकडाउन उल्लंघन हुने खतरा बढेपछि जिल्ला प्रशासन कार्यालय, काठमाडौंले मृत्यु संस्कारमा सहभागी हुने बाहेकका प्रयोजनका निम्ति सवारी पास वितरण स्थगित निर्णय गरेको छ ।

लकडाउन प्रभावकारी पार्न आज बुधबार (वैशाख ३) देखि लागू हुनेगरी सवारी पास वितरण स्थगित गरिएको हो । अत्यावश्यकीय कामका लागि भने पूर्ववत् अनलाइनमार्फत पास वितरण हुने प्रशासनले जनाएको छ ।

लकडाउनमा अत्यावश्यकीय सवारीसाधन सञ्चालनका लागि प्रशासनले पास वितरण गर्दै आएको थियो । मंगलबारबाट उसले अनलाइनमार्फत ई–पास लिन सकिने व्यवस्था मिलाएको थियो ।