लायन्स तथा लियोको ‘हामी छौं’ अभियानमा व्यवसायी शर्माको ५० हजार सहयोग

हेटौंडाका लायन्स तथा लियो क्लबहरुले संचालन गरेको ‘हामी छौं’ अभियानका लागि युवा व्यवसायी अमित शर्माले ५० हजार रुपैंया सहयोग गरेका छन् । लायन्स क्लब इन्टरनेशनल ३२५ बी २ नेपाल एरिया २ अन्तर्गका लायन्स तथा लियो क्लबहरुले संचालन गरेको ‘हामी छौं’ अभियानका लागि रमिला ट्रेडिङ्गका संचालक एवं लायन्स क्लब अफ बसामाडीका सदस्य शर्मा व्यक्तिगत रुपमा ५० हजार रुपैंया सहयोग गरेका हुन् । 

यस बिषम परिस्थितिमा पनि लायन्स तथा लियो क्लबहरुले खाजा खुवाउने अभियानै संचालन गरिरहेको र सो कार्यमा आफुले पनि सहयोग गरेको बताए । उनले लायन्स तथा लियो क्लबहरुको यो अभियान मार्फत गरेको काम प्रशंसनिय रहेको बताए ।

लायन्स तथा लियो क्लबहरुले विगत १२ दिन देखि ‘हामी छौं’ मार्फत निरन्तर रुपमा लामो दुरीबाट आएका पैदल यात्रु र चोक चोकमा खटिएका सुरक्षाकर्मीहरुका लागि खाजा खुवाउने कार्य गरीरहेको छ ।