व्यवसायी अग्रवाललाई थप १० दिन थुनामा राख्न अनुमति

ज्वरो नाप्ने थर्मल गनको कालोबजारी गरेको आरोपमा पक्राउ परेका व्यवसायी सुलभ अग्रवाललाई थप १० दिन थुनामा राख्न जिल्ला प्रशासन कार्यालयले प्रहरीलाई अनुमति दिएको छ ।

गत चैत २५ गते ज्वरो नाप्ने थर्मल गन बढि मुल्यमा बिक्री गरी कालोबजारी गरेको कसूरमा लागेका अग्रवाल माथि अनुसन्धान गर्न यसअघि प्रशासन कार्यालयले पहिलो पटक ७ दिन र त्यसपछि ५ दिन अनुमति दिएको थियो ।

अनुसन्धान नगकिएको भन्दै प्रहरीले थप समय माग गरेपछि प्रशासन कार्यालयले थप दिनको अनुमति दिएको महानगरीय प्रहरी परिसर काठमाडौंले जानाएको छ ।

५ हजार पर्ने थर्मल गन १५ हजार रुपैयाँमा बिक्री गर्दै गर्दा प्रहरीले काठमाडौंका नक्शालबाट अग्रवाललाई पक्राउ गरेको थियो ।