सामुहिक बलात्कारमा संलग्न चार जना प्रहरी नियन्त्रणमा 

मोरङमा सामुहिक बलात्कार घटनामा संलग्न चारजनालाई प्रहरीले पक्राउ गरेको छ। प्रहरीले मोरङको बुढीगंगा गाँउपालिकामा करिब ३ महिनाअघि भएको बलात्कार घटनामा संलग्न रहेको आरोपमा चारजनालाई पक्राउ गरेको हो।

सामूहिक बलात्कारमा संलग्न भएको आरोप लागेका चारै जनालाई बुधबार गाँउपालिका क्षेत्रबाट पक्राउ गरेका जिल्ला प्रहरी कार्यालय मोरङले जनाएको छ ।

पक्राउ पर्नेमा गाँउपालिकाका स्थानीय २० वर्षीय कुमार राई, १९ वर्षीय सन्देश लिम्बू, किशोर राई र लक्ष्मण राई रहेको प्रहरीले बताएको छ । घटनमा संलग्न अर्का एक आरोपी रोशन मगर भने फरार रहेको प्रहरीको भनाई छ ।

गत वर्षको माघ १५ गते भैरहवा घर भई बुढीगंगास्थित आफन्तको घरमा आएकी १७ वर्षीया एक किशोरीलाई बलात्कार गरेको आरोपमा उनिहरुलाई पक्राउ गरेको प्रहरीले बताएको छ ।

पक्राउ परेका चारै जना विरुद्ध प्रहरीले जवरजस्ती करणी मुद्दामा म्याद थप गरेर घटनाको अनुसन्धान अघि बढाउने जनाएको छ।