भारत विरुद्ध हेटौंडामा राँके जुलुस (भिडियो सहित)

भारतले एकतर्फी रुपमा नेपालको भूमि माथि सडक निर्माण गरेको विरोधमा राष्ट्रिय प्रजातन्त्र पार्टी निकट यूवा संगठनले आज हेटौंडामा राँके जुलु सहितको विरोध प्रर्दशन गरेको छ । संगठनका बागमती प्रदेशका संयोजक दामोदर वाग्लेको नेतृत्वमा विरोध प्रदर्शन भएको हो । 

नेपालको मातृभूमि माथिको नाङ्गो हस्तक्षेप भएकोले आफूहरुले त्यसको विरोध गरेको संगठनका हेटौंडा नगर अध्यक्ष भृगु कार्कीले बताएका छन् । 

कान्तिराजपथबाट शुरु भएको राँके जुलुस बुद्ध चौकमा गएर समापन भएको थियो । विरोधको क्रममा बालिएको आगोलाई नेपाल प्रहरीले निभाएको थियो ।