३ सय ३१ नेपालीमा कोरोना संक्रमण 

विश्वभर महामारीमा रुपमा फैलिरहेको कोरोना भाईरसको कारण भयावाह बन्दै गईरहेको छ । त्यस्तै बहराइनमा ३ सय ३१ नेपालीमा कोरोना संक्रमण भएको पुष्टि भएको छ । 

नेपाली दूतावासका अनुसार २४ वैशाख यता मात्र त्यहाँ ८६ जनामा कोरोनाभाइरस संक्रमण पुष्टि भएको हो । 

बहराइनमा अहिलेसम्म ३ हजार ९ सय ७३ जनाभन्दा धेरैमा कोरोनाभाइरस संक्रमण पुष्टि भइसकेको छ । तीमध्ये २ हजार ७ सय ६२ जना ठिक भइसकेका छन् । 

तर, यसमा कति नेपाली ठिक भएका छन् भन्ने तथ्यांक उपलब्ध गराइएको छैन । 

बहराइनमा पछिल्लो समय ३५ हजारभन्दा धेरै नेपाली रहेको अनुमान गरिएको छ ।