नेपालमा कोरोना संक्रमितको संख्या ३ सय ५७ पुग्यो 

नेपालमा आज एकै दिन ५३ जनामा कोरोना संक्रमण पुष्टि भएको छ । हालसम्म नेपालमा ३ सय ५७ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ । 

आज सोमबार मात्र बाँकेकोे नरैनापुरमा ४७ जना, मोरङमा १ जना सहित अन्य जिल्लामा  ५ जनामा कोरोना संक्रमण देखिएको स्वास्थ्य मन्त्रालयका प्रवक्ता डा. विकास देवकोटाले बताए । 

उमेरका अनुसार विराटनगरका १ पुरुष, गुल्मीका ४१ वर्षीय पुरुष, धनुषाका १ र रौतहटका १ पुरुष तथा दाङका १ पुरुष र धादिङका १ जनामा कोरोना संक्रमण देखिएको हो ।

आज देखिएका कोरोना संक्रमितहरु १८ वर्ष देखि ४६ वर्ष उमेर समुहका रहेको प्रवक्ता डा. देवकोटाले जनाएका छन् ।

बाँकेमा ४६ जना पुरुष र १ जना महिलामा १ जनामा संक्रमण देखिएको हो । मन्त्रालयका अनुसार अहिलेसम्म नेपालमा २ सय ९८ पुरुष र ५९ जना महिलामा कोरोना भाइरसको संक्रमण देखिएको छ । 

नेपालको ३१ जिल्लामा कोरोना भाइरसको संक्रमण फैलिएको मन्त्रालयले जनाएको छ ।