मकवानपुरमा २ जनामा कोरोना, संक्रमितको संख्या ५१ पुग्यो

मकवानपुर । मकवानपुरमा आज थप २ जनामा कोरोना भाइरस संक्रमण पुष्टि भएको छ । हेटौंडाको किटजन्य रोग तथा अनुसन्धान तालिम केन्द्रको प्रयोगशालामा गरिएको परीक्षणमा हेटौंडा उपमहानगरपालिका वडा नम्बर–९ की १ जना महिलासहित दुई जनामा संक्रमण पुष्टि भएको हो ।

हेटौंडा–४ स्थित कर्रा आईसोलेशनका इन्चार्ज स्वास्थ्य अधिकृत भोलाप्रसाद चौलागाईका अनुसार संक्रमण पुष्टि हुनेमा एक महिला र एक पुरुष रहेका छन् ।
संक्रमित हुनेमा हेटौां–९ की ४६ वर्षीया महिला र मकवानपुरगढी गाउँपालिका–५ का ७० वर्षीय एक पुरुष रहेका छन् ।

आज थपिएको संक्रमित सँगै हेटौंडामा मात्रै कोरोना संक्रमितको संख्या १९ पुगेको छ भने जिल्ला भरिमा ५१ जना संक्रमित पुष्टि भईसकेको छ ।

हिजो हेटौंडा–१० मा २ जनामा संक्रमण पुष्टि भएपछि आज विहान जिल्ला प्रशासन कार्यालयले हेटौंडा–१० को सीता भवनलाई सिल गरेको छ ।